Austbygde kyrkje

Austbygde og Tessungdalen sokna i eldre tid til Atrå kyrkje. Men frå 1.januar 1888 vart det eigne sokn.
Kyrkja er bygd av byggmeister Johnsen, og innvigd av bisp Smith i november 1888.
Den har kring 300 sitjeplassar. Altertavla ’Jesu dåp’ er måla av Lars Osa i 1909 og er kopi av altertavla i Trefoldighetskyrkja i Oslo.
Kyrkja vart pussa opp i 1934 og til 100-årsjubileet i 1988.
Austbygde kyrkje har ein bibel frå 1550. Det er ei omsetjing av Luthers tyske bibel.